ఈనెల 29 వ తేదీ నందమూరి హీరోలు ఇద్దరికీ స్పెషలే. బాబాయ్ బాలయ్య ఆ రోజుతో 40 ఏళ్ల సినిమా కెరియర్ అనే మైలురాయిని చేరతారు. అబ్బాయ్ ఎన్టీఆర్ తన తాజా సినిమా రభసతో జనం ముందుకు వస్తారు.
తాతమ్మ కల...29.8.1974న విడుదలైంది. ఈ సినిమాతో బాలకృష్ణ సినిమా ప్రయాణం ప్రారంభమైంది. నూనూగు మీసాలతో, బక్కపల్చగా, సన్నని ఫ్రేమ్ వున్న కళ్లజోడు పెట్టుకుని బాలయ్య సినిమా ప్రవేశం చేసి, అప్పటి కుర్రకారును ఇట్టే ఆకట్టుకున్నారు. ఆ తరువాత అడపాదడపా చిన్నా చితకా సినిమాల్లో చేసినా దానవీరశూర కర్ణతో మళ్లీ మెయిన్ లైన్ లోకి వచ్చారు.
బాబాయ్ అబ్బాయ్ లకు డేట్లతో కాస్త దగ్గరి సామీప్యాలున్నాయి. 82లో బాబాయ్ కు పెళ్లయింది. 83 ఈ 'అబ్బాయ్' పుట్టిన సంవత్సరం. 84 బాబాయ్ పెద్ద కమర్షియల్ విజయం సాధించారు. అదే మంగమ్మగారి మనవడు.
2001లో బాబాయ్ నరసింహనాయుడు...అబ్బాయ్ స్టూడెంట్ నెం 1 విడుదలయ్యాయి.
మిగిలిన వ్యవహారాలు ఎలా వున్నా అభిమానుల దగ్గరకు వచ్చేసరికి నందమూరి అభిమానులందరూ ఇద్దరినీ అభిమానిస్తారు. అందుకే వారందరికీ ఈనెల 29 వెరీ వెరీ స్పషల్.
Tags: August 29, Bala krishna, NTR, Rabhasa
0 comments:
Post a Comment