ఆంధ్రప్రదేశ్‌ బడ్జెట్‌ కేటాయింపులిలా...

ఆంధ్రప్రదేశ్‌ బడ్జెట్‌ను ఆర్థిక మంత్రి యనమల రామకృష్ణుడు ఈ రోజు అసెంబ్లీలో ప్రవేశపెట్టారు. ఉదయం క్యాబినెట్‌ ముందుకు బడ్జెట్‌ రాగా, దాన్ని క్యాబినెట్‌ ఆమోదించి, గవర్నర్‌ పరిశీలనకు పంపారు. గవర్నర్‌ ఆమోద ముద్ర అనంతరం బడ్జెట్‌ను అసెంబ్లీలో ప్రభుత్వం ప్రవేశపెట్టింది. 13 జిల్లాల ఆంధ్రప్రదేశ్‌కి తొలి బడ్జెట్‌ ఇదే కావడం గమనార్హం. ఒక లక్షా పధ్నాలుగువేల 88 కోట్లతో బడ్జెట్‌ని రూపొందించారు. ప్రణాళికా వ్యయం 85 వేల 151 కోట్లు కాగా, ద్రవ్యలోటు 19,028 కోట్లుగా పేర్కొన్నారు. కాగా, రెవెన్యూ లోటు ఆరు వేల కోట్లు, ప్రణాళికేతర వ్యయం 26,673 కోట్లు. లోటు బడ్జెట్‌తో ఆరంభమైన ఆంధ్రప్రదేశ్‌లో బడ్జెట్‌ కేటాయింపుల్ని ఎలా వున్నాయంటే.. 

- హోంశాఖకు రూ.3,734కోట్లు 
- విపత్తు నిర్వహణకు రూ.403 కోట్లు 
- ఐటీ శాఖకు రూ.111 కోట్లు 
- పరిశ్రమల శాఖకు రూ.615 కోట్లు 
- నీటిపారుదల శాఖకు రూ.8,465 కోట్లు 
- ఇంధన శాఖకు రూ.7,164 కోట్లు కేటాయించారు. 
- యువజన సర్వీసులశాఖ రూ.126కోట్లు 
- వికలాంగ సంక్షేమ, వృద్ధులకు రూ.65కోట్లు 
- మహిళా శిశుసంక్షేమశాఖకు రూ.1049కోట్లు 
- మైనార్టీ సంక్షేమ శాఖకు రూ.371కోట్లు 
- వెనుకబడిన తరగతులు సంక్షేమానికి రూ.3,130కోట్లు 
- గిరిజన సంక్షేమ శాఖకు రూ.1,150కోట్లు కేటాయించారు. 
- రోడ్లు, భవనలశాఖ రూ.2,612కోట్లు 
- మౌలిక వసతులకు రూ.73కోట్లు 
- అటవీ పర్యావరణ, శాస్త్రసాంకేతికశాఖ రూ. 418కోట్లు 
- ఉన్నత విద్యశాఖకు రూ.2,275 కోట్లు 
- ఇంటర్ విద్యకు రూ.812 కోట్లు 
- పాఠశాల విద్యాశాఖకు రూ.12,595 కోట్లు 
- వైద్య ఆరోగ్యశాఖకు రూ.4,388 కోట్లు 
- కార్మిక, ఉపాధి కల్పనకు రూ.276 కోట్లు 
- పట్టణాభివృద్ధిశాఖకు రూ.3,134 కోట్లు 
- గ్రామీణ నీటి సరఫరాకు రూ1,115 కోట్లు 
- పంచాయతీ రాజ్‌శాఖకు రూ.4,260 కోట్లు